ABAO Bilbao Opera - Opera y + programa

Orona Fundazioan, inklusioa, kultura eta gizarte-ongizatea sustatzen dituzten proiektuekiko konpromisoa berresten jarraitzen dugu. Horregatik, Operaren Lagunen Bilboko Elkarteari (OLBE Bilbao Opera) laguntzen diogu bere erreferentziazko programa soziala garatzen: Opera y +.

Programa hau helburu argi batekin sortu zen: musikaren eta kulturaren bidez, pazienteen, familien eta langile soziosanitarioen bizi-kalitatea hobetzea. Hamarkada batez, Opera y + programak 7.500 onuradun baino gehiago izan ditu: jaioberriak, pediatria zerbitzuan ospitaleratutako haurrak, gaixotasun kronikoak dituzten helduak, familiak eta osasungintzako profesionalak.

Tailerren, hitzaldien eta emanaldien bidez, operak erakutsi du gaitasuna duela estresa eta antsietatea murrizteko, gogo-aldartea hobetzeko, indarberritze emozionala suspertzeko eta, azken batean, ospitale-ingurunea gizatiartzeko. Edizio bakoitzean 30 jarduera baino gehiago egin dira, eta programa horrek pazienteen, senideen eta osasun-langileen arteko harremanak estutzen lagundu du, ahultasun-egoera berezietan konexio- eta lasaitasun-uneak eskainiz.

Bere 10. urteurrenean, Opera y + -ek erronka berriei aurre egiten die: jarduerak are gehiago pertsonalizatzea adin eta espezialitate medikoen arabera, ongizate emozionalean duten eragina ebaluatzea eta gehien behar dutenei itxaropena, konpainia eta erresilientzia emango dieten kultura-esperientziak sustatzen jarraitzea.

Orona Fundaziotik harro gaude ibilbide horretan OLBE Bilbao Opera babesteaz, musika gizartea eraldatzeko eta pertsonak zaintzeko tresna ahaltsua delako uste osoa baitugu.